Престиж ХХК анх 1993 онд гадаад худалдаа, үйлчилгээний чиглэлээр үйл ажиллагаагаа эхэлснээс хойш усны салбарт усны инженерингийн чиглэлээр, ус хангамж, усны хайгуул судалгаа, зөвлөгөө өгөх зэрэг үйл ажиллагаа явуулж усны салбарын шинэчлэлт өөрчлөлт хийхэд идэвхтэй оролцон, орчин үеийн шинэ техник технологи бүхий цогц шийдэл боловсруулах, түүнийг нэвтрүүлэхэд түлхүү анхаарч, улс орныхоо хөгжилд хувь нэмрээ оруулж байгаа 20 шахам жилийн түүхтэй үндэсний тэргүүлэх усны инженеринг компани юм. Бид дэд бүтэц, усны салбарын бүхий л чиглэлд өргөн цар хүрээгээр үйл ажиллагаа явуулж байна. Манай компани ус хангамжиын автоматжуулалт, зөвлөх үйлчилгээ, зураг төсөл, техникийн шийдэл боловсруулах, тоног төхөөрөмж нийлүүлж, угсарч, туршилт, тохируулгын ажлыг гүйцэтгэх гэсэн олон төрлөөр ажилладаг. Бид өөрийн үйл ажиллагаандаа чанарыг байнга эрхэмлэж, хөдөлмөрийн аюулгүй байдал, эрүүл ахуйг чанд мөрдөж ажилладаг. Өнгөрсөн хугацаанд манай компани мэргэшсэн өндөр чадавхитай, бүтээлч сэтгэхүйтэй, туршлагатай багийг бүрдүүлэн, бүтээмжийг цаг ямагт өндөр чанартай байлган, төслийн менежментийг амжилттай хэрэгжүүлж, төслийн гүйцэтгэл, чанарын үнэлгээг дээд түвшинд хүргэж чадсан юм.
Монгол улсад сүүлийн жилүүдэд эрчим хүч, уул уурхайн томоохон төслүүд хэрэгжих болсон. Бид эдгээр төслүүдийг хэрэгжүүлэхэд нэн шаардлагатай усны асуудлыг төлөвлөх, зураг төсөл боловсруулах, инженерингийн ажлуудыг гүйцэтгэж ирлээ. Үүнээс ус хангамжийн угсралтын ажил, цаашлаад засвар үйлчилгээ, ашиглалтыг ч бүрэн хариуцаж, удирдлагаар хангах ажлыг гүйцэтгэн ажиллаж байна.