Барилгын төмөр бэлдэц, төмрийн худалдааны анхдагч байгууллага болох “Төмөрт транс” ХХК-г үүсгэн байгуулагчид нь 1997 оноос энэ чиглэлээр ажиллаж эхэлсэн бөгөөд одоогийн байдлаар 7 охин компанитайгаар гадаад, дотоод худалдаа, төмөр хийцийн үйлдвэрлэл, үйлчилгээ, тээвэр зэрэг чиглэлүүдэд нийт 100 гаруй ажиллагсадтай үйл ажиллагаагаа явуулж байна. “Төмөрт транс” ХХК нь үйл ажиллагаагаа жилээс жилд өргөжүүлэн 2005 онд БНХАУ-ын Эрээн хотод төлөөлөгчийн газраа нээн ажиллуулж төмрийн томоохон үйлдвэрүүдтэй харилцаа холбоо тогтоон ажиллаж ирлээ. Мөн 2010 оноос ОХУ-ын төмөрлөгийн комбинаттай холбоо тогтоон хамтран ажиллаж байна. Манай хамт олон барилгын урт нас, удаан эдэлгээг хангах стандартад бүрэн нийцсэн чанарын сертификаттай бараа бүтээгдэхүүнийг найдвартай эх үүсвэрээс худалдан авагчиддаа бэлтгэн нийлүүлдэг. Мөн 2012 онд Европын холбооны улсууд болох Чех, Польш, Итали улсын томоохон брэнд бүтээгдэхүүн үйлдвэрлэгч үйлдвэрүүдтэй харилцаа холбоо тогтоон холхивч, хуванцар хоолой холбох хэрэгслийн албан ёсны гэрээт борлуулагчаар ажиллаж байна. Өөрийн түнш худалдан авагч компаниудын захиалгын үндсэн дээр барааг импортлохоос борлуулах хүртлэх маркетинг, менежментийн бүхий л үйл ажиллагааг бие даан гүйцэтгэж, үүний үндсэн дээр эцсийн үнийг харилцан ашигтай боломжит түвшинд тогтоодог болно.